لاہور(آئی این پی)پاکستان ٹی ٹونٹی ٹیم کے سابق کپتان شاہد آفریدی نے کہا کہ کر کٹ کے بعد سیاست میں آنے کی خواہش ہے، پاکستان کرکٹ ٹیم کو میچ کے آخر میں رنز بنانے کا گر سیکھنا ہوگا۔نجی ٹی وی کے پروگرام میں شاہد آفریدی کا کہنا تھا کہ پاکستان ٹیم بہتر ہو رہی ہے، ٹیم کو اچھے آل رائونڈ مل چکے۔ آخر میں رنز نہ کرنے کی خامی پر قابو پانا ہو گا۔ سابق کپتان نے کرکٹ کے بعد فلاحی کام کرنے کو ترجیح قرار دیا اور کہا کہ اسی لئے اپنے گائوں میں ہسپتال بنایا۔