شنگھائی (سپورٹس ڈیسک ) برطانیہ کے اینڈی مرے نے شنگھائی ماسٹرزاوپن ٹینس ٹورنا منٹ جیت لیا ۔ یہ ان کا سال کا چھٹا ٹائٹل ہے ۔ انگلش سٹار کا شنگھائی اوپن کے فائنل میں سپین کے رابر ٹو بائوٹیسٹا اگٹ سے مقابلہ تھا جس نے سیمی فائنل میں عالمی نمبر ایک سربیا کے نوواک ڈجکو وچ کو شکست دی تھی۔ مرے نے عالمی نمبر انیس کیخلاف سات ایک اور چھ ایک سے کامیابی حاصل کر کے ٹائٹل اپنے نام کرلیا ۔سابق عالمی نمبر ایک کیرولین وزنائیکی نے ہانگ کانگ اوپن ٹینس ٹورنامنٹ جیت لیا ‘یہ ان کا رواں سال دوسرا ٹائٹل ہے ۔ ڈنمارک کی کیرولین وزنائیکی نے سخت مقابلے کے بعد فائنل میں فرانسیسی کھلاڑی کرسٹینا ملاڈینووک کیخلا ف چھ ایک ‘چھ سات اور چھ دو سے کامیابی حاصل کی ۔