فیروزوالہ(نامہ نگار) شاہدرہ کے قریب واقع امام بارگاہ باوا صدا حسین میں سالانہ دوروزہ مجلس اعزا پر امن طور پر ختم ہو گئی اس سلسلے میں ملک بھر سے آنے والے زائرین کی بڑی تعداد نے شرکت کی۔ درجنوں ذوالجناح اور علم و تعزیے ک جلوس نکالے گئے، اس موقع پر سکیورٹی کے سخت انتظامات تھے۔ سالانہ مجلس اعزا کے باعث شاہدرہ موڑ سے چوک بیگم کوٹ تک دو دِن ٹریفک بند رہی ۔ اس سلسلے میں تمام سرکاری دفاتر، فیکٹریاں ، سکول بھی بند رہے۔ ٹریفک بندش سے درجنوں آبادیوں کے ہزاروں افراد کو مشکلات کا سامنا کرنا پڑا۔