گوجرانوالہ: گردن پر ڈور پھرنے سے موٹرسائیکل سوار طالبعلم زخمی
گوجرانوالہ (نمائندہ خصوصی + این این آئی) پتنگ کی ڈور گردن پر پھرنے سے موٹر سائیکل سوار بارہویں جماعت کا طالبعلم شدید زخمی ہوگیا۔ گلوٹیاں کا رہائشی بارہویں جماعت کا طالبعلم بیس سالہ عمر موٹر سائیکل پر کالج جا رہا تھا کہ تھانہ سول لائن کے علاقہ سیالکوٹ روڈ پر کٹی پتنگ کی ڈور گردن پر پھر گئی جس سے عمر شدید زخمی ہو گیا جسے فوری طبی امداد کیلئے سول ہسپتال منتقل کر دیا گیا جہاں پر ڈاکٹرز نے اسے طبی امداد فراہم کی۔
