ٹیوٹا گجرات میں روزگار کورس متعارف کرائے گی
لاہور (سٹاف رپورٹر) ٹیکنیکل ایجوکیشن اینڈ ووکیشنل ٹریننگ اتھارٹی (ٹیوٹا) گجرات چیمبر آف کامرس اینڈ انڈسٹری کے تعاون سے گجرات شہر کیلئے قابل روزگار کورسز متعارف کروائے گی۔ نئے جدید کورسز فرنیچر‘ سرامکس اور فین انڈسٹری کی ضروریات کو مدنظر رکھتے ہوئے شروع کئے جائیں گے۔ ٹیوٹا اور گجرات چیمبر کے آفیشلز پر مشتمل 6 رکنی کمیٹی تشکیل دیدی گئی جو نئے کورسز اور موجودہ نصاب میں نظرثانی کرنے کیلئے سفارشات دے گی۔ٹیوٹا ان شعبوں میں بیروزگار نوجوانوں کو روزگار کے مواقع فراہم کرنے کیلئے جدید تربیت فراہم کرے گی۔
