با جوڑایجنسی ( آئی این پی) باجوڑ ایجنسی میں تباہی کا بڑا منصوبہ ناکام بنا دیا گیا۔ تحصیل سلارزئی کے علاقے بانڈہ میں سکیورٹی فورسزنے سرچ آپریشن کے دوران بڑ ی مقدار میں گولہ بارود اور بم بنانے کے سامان برآمد کرکے علاقے کو بڑی تباہی سے بچالیا اور دو مشتبہ دہشت گرد گرفتار کرلئے۔ ذرائع کے مطابق پکڑے جانیوالے اسلحہ اور ہتھیاروںمیں دوآئی ڈیز، ایک خودکش جیکٹ، میزائل اور راکٹ کے گولے، بڑی تعداد میں ہینڈ گرنیڈ، بم بنانے کے سامان، کارتوس اور گولہ بارود کا بڑا ذخیرہ شامل ہیں۔ دہشت گردوں نے گولہ بارود کو زیر زمین تہہ خانوں میں چھپایا تھا۔