پاکستان آگہی پروگرام، مقامی سکول کے اساتذہ اور طلبہ کا ایوان کارکنان تحریک پاکستان کا دورہ، موبائل یونٹوں کے سکولوں میں لیکچر
لاہور (خصوصی رپورٹر) ایئر فائونڈیشن سکول کینال لنک روڈ تاج باغ کے طلبا و طالبات اور اساتذہ کرام نے نظریۂ پاکستان ٹرسٹ کے پاکستان آگہی پروگرام کے سلسلہ میں ایوانِ کارکنانِ تحریکِ پاکستان شاہراہِ قائداعظم کا مطالعاتی دورہ کیا اور تحریک پاکستان کی تصویری گیلری بھی دیکھی۔ دریں اثناء موبائل نظریاتی تعلیمی یونٹس نے دوقومی نظریہ پر لیکچر دینے کے لیے ایس او ایس برمن مائز بوائز ہائی سکول فیروزپور روڈ گورنمنٹ شہدائے اے پی ایس میموریل ماڈل سکول ماڈل ٹائون یونیک ہائی سکول ہربنس پورہ گورنمنٹ پرائمری سکول اعوان ٹائون گورنمنٹ بوائز ہائی سکول اعوان ٹائون نیشنل ایجوکیٹرز سکول حاجی علم دین والی گلی کاہنہ نو‘ گریٹ چانسلر سکول کاہنہ نوکا وزٹ کیا۔ مستفید ہونے والے اساتذہ اور طلبہ کی مجموعی تعداد 529 تھی۔
