لاہور (نمائندہ سپورٹس)ملائیشیا میں جاری ایشین چیمپئنز ہاکی ٹورنا منٹ کے دوسرے سیمی فائنل میں پاکستان میزبان ملائیشیا کو شکست دے کر فائنل میں پہنچ گیا ۔دونوں ٹیموں کے درمیان میچ مقررہ وقت میں ایک ایک گول سے برابر رہا ۔ دونوں ٹیموں کے درمیان سخت مقابلے دیکھنے کا ملا ۔ پاکستان کے گول کیپر کے شاندار کھیل کی بدولت گرین شرٹس نے ملائیشیا کو پنلٹی شوٹس پر دو کے مقابلے میں تین گول سے شکست دی ۔ پنلٹی شوٹس پر مقابلہ دو دو گول سے برابر تھا۔ ملائیشیا نے آخری پنلٹی لگائی جسے پاکستا نی گول کیپر نے روک کر گرین شرٹس کو فائنل میں پہنچ دیا ۔ فائنل میں پاکستان کا مقابلہ آج شام ساڑھے پانچ بجے بھارت سے ہوگا ۔قبل ازیں پہلے سیمی فائنل میں بھارت جنوبی کوریا کو شکست دے کر فائنل میں پہنچ گیا ۔ دونوںٹیموں کے درمیان مقررہ وقت تک میچ دو دو گول سے برابر رہا ۔ بھارتی ٹیم جنوبی کوریا کو پنلٹی شوٹس پر چار کے مقابلے میں پانچ گول سے کامیابی حاصل کرکے فائنل میں پہنچ گئی ۔ چین نے جاپان کو شکست دے کر ایونٹ میں پانچویں پوزیشن حاصل کرلی ۔ پانچویں اور چھٹی پوزیشن کیلئے کھیلے گئے میچ میں دونوں ٹیموں کے درمیان سخت مقابلہ ہوا ۔ چین نے تین کے مقابلے میں چار گول سے کامیابی حاصل کرکے پانچویں پوزیشن اپنے نام کر لی ۔ جاپانی ٹیم چھ ٹیموں میں سے آخری پوزیشن پر رہی ۔تیسری اور چوتھی پوزیشن کے میچ کیلئے جنوبی کوریا اور ملائیشیا کی ٹیمیں بھی آج مد مقابل ہونگی ۔