لٹل ماسٹر شطرنج ٹورنامنٹ 26 نومبر کو ہوگا
لاہور (سپورٹس رپورٹر) سمارٹ ایجوکیشن کے بانی لارل بینک سکول سسٹم کے زیر اہتمام لٹل ماسٹر انٹر سکول شطرنج ٹورنامنٹ 26 نومبر کو ہوگا۔ رجسٹریشن 7 نومبر تک کرائی جا سکتی ہے۔ پہلی درجہ بندی میں انڈر 13 جبکہ دوسری درجہ بندی میں انڈر 17 سکول کے بچے شامل کیے جائیں گے۔ ڈائریکٹر لارل بینک سکول سسٹم عمران میاں کا کہنا تھا کہ ہمارا سکول گذشتہ کئی سال سے شطرنج چیمپین شپ کا اہتمام کر رہا ہے۔ اس سال بھی بہترین انتظامات کے ہیں ۔ ایک لاکھ روپے کے کیشن انعامات رکھے گئے ہیں۔۔ پڑھائی کے ساتھ ساتھ کھیلوں کو فروغ دینے کا بھی سلسلہ شروع کر رکھا ہے۔ شطرنج کے علاوہ انٹرسکولز فٹبال ٹورنامنٹس کا بھی کامیاب انعقاد کر چکے ہیں۔
