.پیر اشرف رسول کے بڑے بھائی انتقال کر گئے، ختم قل آج ہوگا
فیروزوالہ ( نامہ نگار) مسلم لیگ (ن) کے رکن پنجاب اسمبلی پیر محمد اشر ف رسول کے بڑے بھائی ممتاز سیاستدان اور ادبی شخصیت پیر محمد صفدر رسول انتقال کر گئے ۔ مرحوم کو فیروزوالہ کے قبرستان میں سپرد خا ک کر دیا گیا ۔ نماز جنازہ میں وفاقی وزیر رانا تنویر حسین ، ایم این ے رانا افضال حسین ، ایم پی اے ریاض احسان ، مسلم لیگ کے رہنما رانا عتیق انور ، میاں عبدالرئوف کے علاوہ سرکاری افسران ، ارکان اسمبلی ، چئیرمینوں ، کونسلروں وکلاء اور علاقہ کے معززین کی بڑی تعداد نے شرکت کی۔ مرحوم کی ختم قل آج 31اکتوبر دو بجے دن ان کی رہائش گاہ امامیہ کالونی میں ہوگا۔
