اسلام آباد(آن لائن) وفاقی دارالحکومت اسلام آباد سے دوحہ جانے والے طیارے سے ساڑھے چار کلو ہیروئن برآمدکرلی گئی۔ اطلاعات کے مطابق ائرپورٹ سکیورٹی فورس سمیت دیگر اداروں نے اسلام آباد سے دوحہ جانے والے قطر ائرلائن کے جہاز کی تلاشی لی جہاں سے ہیروئن برآمد ہوئی ، ہیروئن کے پیکٹ جہاز میں چھپائے گئے تھے۔ ائرپورٹ کے ذرائع کا کہنا ہے کہ جہاز میں مشکوک پیکٹ کی اطلاع ٹریفک اسسٹنٹ حارث نے دی تھی جس کے بعد اے ایس ایف اور دیگر اداروں کے اہلکار حرکت میں آئے اور طیارے کی تلاشی لی گئی جہاں سے ہیروئن کے پیکٹ ملے ہیں ۔ذرائع کا مزید کہنا ہے کہ ہیروئن کی مالیت لاکھوں میں ہے. ہیروئن برآمد