لاہور(نمائندہ سپورٹس +سپورٹس رپورٹر)سٹار پاکستانی پلیئر اعصام الحق نے پیرس ماسٹرز ٹینس ٹورنامنٹ مینز ڈبلز کوارٹرفائنل کیلئے کوالیفائی کرلیا ۔فرانس میں جاری ایونٹ میں کھیلے گئے مینز ڈبلز ایونٹ کے پری کوارٹرفائنل میں اعصام الحق اور ان کے بلغارین جوڑی دار گریگور دمترف نے عمدہ کارکردگی کا مظاہرہ کرتے ہوئے جمی مرے اور برونو سوریز کو زبردست مقابلے کے بعد 6-4، 3-6 اور 10-6 سے ہرا کر کوارٹرفائنل میں پہنچنے کا اعزاز حاصل کیا۔