انٹر سکولز اینڈ کالجیٹ مقابلے، تیسرے روز 12ہزار سے بچوں نے کھیلوں میں حصہ لیا
لاہور (سپورٹس رپورٹر+نمائندہ سپورٹس) پنجاب اولمپک کے زیر اہتمام ساتویں انٹر سکولز اینڈ کالجیٹ مقابلوں کے تیسرے روز 12 ہزار سے زائد بچوں نے مختلف کھیلوں میں حصہ لیا۔ گرلز سکول سائیکلنگ ایونٹ کے 500 ٹائم ٹرائل میں لکاس کی نشمہ نے پہلی جبکہ ٹیم سپرنٹ میں ادبستان صوفیہ ٹیم نے پہلی پوزیشن اپنے نام کی۔ انٹرکالجیٹ ویمن سائیکلنگ کے 500 میٹر ٹائم ٹرائل میں لاہور کالج یونیورسٹی کی ماہم جبکہ ٹیم سپرنٹ میں لاہور کالج یونیورسٹی نے پہلی پوزیشن اپنے نام کی۔ ریسلنگ کے مقابلوں میں پنجاب کالج نے 8 گولڈ میڈلز کے ساتھ پہلی پوزیشن اپنے نام کی۔
