لکی مروت (صباح نیوز) ضلع لکی مروت کے مختلف دیہاتوں میں خونخوار درندے نے حملہ کرکے درجنوں افراد کو زخمی کردیا۔ دس زخمیوں کو سٹی ہسپتال لکی مروت منتقل کردیا گیا۔ تفصیلات کے مطابق ضلع لکی مروت کے دیہاتوں وانڈہ رحمانہ، وانڈہ کُٹانہ، وانڈہ سیمو اور لنڈ احمد خیل میں رات کی تاریکی میں خونخوار درندے نے مختلف افراد پر حملہ کیا، جس کے نتیجے میں اکثر افراد شدید زخمی ہوگئے۔ متاثرہ افراد کے متضاد بیانات سے جانور کی شناخت نہیں ہوپا رہی۔ سٹی ہسپتال میں لائے گئے مریضوں میں سے تین شدید زخمیوں کو بنوں ریفر کردیا۔ دوسری طرف ڈسٹرکٹ پولیس آفیسر نے درندے کو مارنے کے لئے شارپ شوٹرز اور ایلیٹ فورس کے جوان روانہ کر دئیے ہیں۔

لکی مروت درندہ