’’مودی پر جنگ کا جنون ہے‘‘ ریاض پیر زادہ کی بھارتی سیاستدانوں کو کرکٹ اور رگبی کھیلنے کی دعوت
لاہور + اسلام آباد(سپورٹس رپورٹر+محسن علی، دی نیشن) وفاقی وزیر بین الصوبائی رابطہ ریاض حسین پیرزادہ نے بھارتی سیاستدانوں کو کرکٹ کھیلنے کی دعوت دیتے ہوئے کہا ہے کہ بھارتی وزیراعظم پرجنگ و جدل کا جنون طاری ہے، بھارت کی پارلیمنٹ کو باضابطہ کرکٹ اور رگبی کا میچ کھیلنے کی دعوت دیتا ہوں۔ وہ اتوار کو سپورٹس کمپلیکس اسلام آباد میں اسلام آباد رگبی ایسوسی ایشن کے زیراہتمام رگبی میچ کے بعد بطور مہمان خصوصی تقریب سے خطاب کر رہے تھے۔ اگر بات لڑائی کی ہوئی تو کپتان نوازشریف ہوں گے اوراگر بات کھیل کی ہوگی تو کپتان عمران خان ہوں گے۔ انہوں نے کہا کہ ہمارے پاس عمران خان، نوازشریف اور چودھری نثارعلی خان جیسے کھلاڑی موجود ہیں۔
