لاہور (سپورٹس رپورٹر) قائداعظم ٹرافی کے میچ میں راولپنڈی نے لاہور وائٹس کے پہلی اننگز میں ایک سو نوے رنز کے جواب میں ایک سو اکہتر رنز بنا لیے ۔ایل سی سی اے کرکٹ گرائونڈ میں کھیلے جارہے میچ میں لاہور وائٹس نے میچ کے دوسرے دن ایک سواٹھہتر رنز چار کھلاڑی آئوٹ پر اپنی پہلی اننگز کا دوبارہ آغاز کیا تو پوری ٹیم ایک سو نوے رنز کے مجموعہ پر پویلین لوٹ گئی۔جواب میں دوسرے دن کا کھیل ختم ہونے تک راولپنڈی نے ایک سو اکہتر رنز بنائے تھے جبکہ اس کے سات کھلاڑی آئوٹ ہوچکے ہیں۔ راولپنڈی کے چھ کھلاڑی تراسی رنز پر آئوت ہوچکے تھے لیکن بعد میں آنے والے بلے بازوں نے لاہوری بائولرز کا ڈٹ کر مقابلہ کیا اور سکور میں اٹھاسی رنز کا اضافہ کر کے اپنی ٹیم کی پوزیشن کو مستحکم کر دیا‘ لاہور کی جانب سے کاشف بھٹی چالیس پر ناٹ آئوٹ ہیں جبکہ یاسر حمید اڑتیس اورذیشان ملک نے چھتیس رنز بنائے۔ لاہور وائٹس کی جانب سے آصف رضا چار جبکہ قیصر اشرف دو کھلاڑی آئوٹ کرنے میں کامیاب ہوچکے ہیں۔