لاہور (سپورٹس رپورٹر) پہلے لانگ بیچ آئی ٹی ایف سینئرز ورلڈ رینکنگ ٹینس ٹورنامنٹ 2016ء کے پہلے روز مختلف ایج گروپس میں دلچسپ ٹینس کے مقابلے ہوئے۔ پہلے میچ میں حسن سید نے ہمایوں جاوید کو 6-3, 3-6, 6-0 سے ، طلحہ وحید کو محمد وحیدکے خلاف واک اوور ملا جبکہ فیاض خان کو محبوب وحید کے خلاف واک اوور ملا۔ سید حادی حسین رضوی نے عمران اصغر کو 6-1, 6-3 سے شکست دی۔ شہریار سلامت کو مراد احمد کے خلاف واک اوور ملا۔ اسی ایج گروپ میں اشعر علی خان نے خالد سلیم کو 6-4, 6-4 سے ہرایا جبکہ شہراد خان نے یاور علی کو 6-2, 6-2 سے شکست دی۔