گوجرانوالہ( نمائندہ خصوصی) ٹریکٹر ٹرالی کی ٹکر سے موٹر سائیکل 2سوار زندگی کی بازی ہار گئے۔تفصیلات کے مطابق امرت پورہ کے قریب تیز رفتار ٹریکٹر ٹرالی نے بے قابو ہو کر موٹر سائیکل سوار دو نامعلوم افراد کو روند ڈالا جسکے نتیجے میں دو نوں افراد موقع پر ہی زخموں کی تاب نہ لاتے ہوئے جان کی بازی ہار گئے ، تاہم واقعہ کی اطلاع پا کر موقع پر پہنچنے والی ریسکیو کی ٹیم نے نعشوں کو ضروری کاروائی کیلئے ڈسٹرکٹ ہسپتال منتقل کیا تا حال متوفیان کی شناخت نہیں ہو سکی۔