جدہ (اے پی پی) اسلامی تعاون تنظیم (اوآئی سی) نے ڈونلڈ ٹرمپ کو امریکہ کا 45 واں صدر منتخب ہونے پر مبارک باد دی ہے اور ان کی انتظامیہ کے ساتھ دنیا میں امن کے فروغ کے لیے روابط بڑھانے کی خواہش کا اظہار کیا ہے۔او آئی سی نے ایک بیان میں کہا ہے کہ اس کے امریکہ کے ساتھ گذشتہ برسوں کے دوران اچھے اور سود مند تعلقات استوار ہوئے ہیں۔ امید ہے ڈونلڈ ٹرمپ کی قیادت میں امریکہ کی نئی انتظامیہ کے ساتھ باہمی احترام پر مبنی یہ تعمیری تعلقات جاری رہیں گے۔ تاکہ دنیا کو درپیش چیلنجز سے مشترکہ طور پر نمٹا جا سکے اور پرامن بقائے باہمی،مفاہمت اور ہم آہنگی کو فروغ دیا جا سکے۔
او آئی سی