لاہور (سپورٹس رپورٹر) پاکستان کرکٹ بورڈ کے زیراہتمام جاری قائد اعظم ٹرافی 2016-17ء کے ساتویں مرحلہ میں قذافی سٹیڈیم لاہور میں جاری میچ کے دوسرے روز کراچی ریجن وائٹ ٹیم نے لاہور وائٹ کے خلاف بہرام خان کی ناقابل شکست سنچری اور حمزہ کے 99 رنز کی بدولت 3 وکٹوں پر 327 رنز بنا کر لاہور کے خلاف 91 رنز کی سبقت حاصل کر لی ہے۔ اس میچ کے دوسرے روز کراچی ریجن وائٹ نے تین رنز بغیر کسی کھلاڑی آوٹ کے اننگز شروع کی۔ بہرام خان 136 رنز کے ساتھ ناقابل شکست کریز پر موجود ہیں جبکہ حمزہ 99 رنز اور سعد علی 68 رنز بنا کر آوٹ ہو گئے۔