6 شہید فوجی شادی شدہ، ایک کی شادی نہیں ہوئی تھی‘ ابرار اور پرویز کا تعلق مظفر آباد، ظفر حسین مری، الیاس تلنگانہ محمد شوکت کہوٹہ، محمد حلیم لکی مروت تنویر آزاد کشمیر کے باسی تھے
راولپنڈی (نوائے وقت رپورٹ) لائن آف کنٹرول پر بھارتی فوج کی بلااشتعال فائرنگ سے شہید ہونے والے 7 پاکستانی فوجی اہلکاروں میں 6 شادی شدہ اور ایک غیر شادی شدہ تھا۔ حوالدار ابرار احمد اعوان کا تعلق مظفر آباد سے تھا انہوں نے سوگواران میں ایک بیوی اور ایک بچی چھوڑی ہے۔ سپاہی پرویز اکرم بھی شادی شدہ تھے اور ان کا تعلق مظفر آباد کے قصبے آٹھ مقام سے تھا۔ تلنگانہ سے تعلق رکھنے والے سپاہی محمد الیاس نے سوگواروں میں بیوی اور دو بچے چھوڑے ہیں۔ لانس نائیک محمد شوکت کا تعلق کہوٹہ سے تھا ان کے سوگواروں میں ایک بیوی اور چار بچے شامل ہیں۔ لانس نائیک محمد حلیم کا تعلق لکی مروت سے تھا انہوں نے سوگواروں میں ایک بیوی اور بچی چھوڑی ہے۔ آزاد کشمیر سے تعلق رکھنے والے سپاہی محمد تنویر غیر شادی تھے۔
