نارنگ منڈی + فیصل آباد (نمائندہ خصوصی + نامہ نگار) گھریلو ناچاقی سے دلبرداشتہ ہوکر طالب علم سمیت 2 افراد نے زندگی کا خاتمہ کر لیا ہے۔ تفصیل کے مطابق نارنگ منڈی میں ریلوے روڈ کے رہائشی ذیشان نے والدین کی سرزنش پر مشتعل ہو کر زہریلی گولیاں نگل لیں جسے فوری طور پر ہسپتال لے جایا گیا مگر رستے میں دم توڑ گیا۔ مرنیوالا فرسٹ ائر کا طالب علم تھا۔ فیصل آباد سے نمائندہ خصوصی کے مطابق بھوآنہ کے رہائشی فلک شیر نے گھر والوں سے جھگڑ کر گندم میں رکھنے والی زہریلی گولیاں کھا لیں جسے تشویشناک حالت میں الائیڈ ہسپتال داخل کروایا گیا لیکن جانبر نہ ہو سکا۔