مقبوضہ بیت المقدس (رائٹرز) اسرائیل نے گزشتہ روز ترکی کیلئے نیا سفیر نامزد کردیاہے۔ اسرائیلی وزارت خارجہ کے ترجمان ایمینوئل ناشون نے بتایا کہ نامزد سفیر ایتان ناح اس وقت لندن میں نائب سفیر کے طور پر کام کررہے ہیں۔ انہوں نے مزید بتایا کہ توقع ہے ترکی جلد اسرائیل میں اپنا سفیر نامزد کریگا۔ ترکی کے ساتھ تعلقات اچھے کرنا چاہتے ہیں۔ حال ہی میں دونوں ممالک نے توانائی کے شعبہ میں تعاون کو فروغ دیا ہے۔ یاد رہے ترکی اور اسرائیل کے درمیان 2010ء میں سفارتی تعلقات ختم ہوگئے تھے۔