لاہور (سٹاف رپورٹر) گورنمنٹ سائنس کالج وحدت روڈ لاہور میں تعزیتی اجلاس منعقد ہوا، جس میں درج ذیل قرارداد متفقہ طور پر منظور کی گئی۔ کالج ہذا کے پروفیسر ڈاکٹر راﺅ الطاف حسین کے بہیمانہ قتل پر گورنمنٹ سائنس کالج کے اساتذہ نہایت رنجیدہ اور سراپا احتجاج ہیں۔ اساتذہ اس سفاکانہ قتل کی شدید مذمت کرتے ہیں اساتذہ ارباب اختیار سے مطالبہ کرتے ہیں کہ مرحوم کے قاتلوں کو فوری طور پر گرفتار کیا جائے۔اور اگر وہ ملک سے باہر ہیں تو انہیں انٹرپول کے ذریعے گرفتار کرکے ان کا مقدمہ انسداد دہشت گردی کی عدالت میں چلایا جائے۔