لاہور(نمائندہ سپورٹس +سپورٹس رپورٹر) قائد اعظم ٹرافی کے سپر ایٹ مرحلہ میںحبیب بنک نے نیشنل بنک کے 279رنز کے جواب میں ایک وکٹ پر 188رنز بنا لئے ۔خان ریسرچ لیبارٹریز کے293رنز کے جواب میں یونائٹیڈ بنک نے سات وکٹوں پر 223رنز بنا لئے ۔سوئی سدرن گیس کے 240رنزکے جواب میں کراچی وائٹس نے فالوآن کے بعد دو وکٹوں پر 167رنز بنالئے ۔ کراچی وائٹس پہلی اننگز میں صرف 84رنز پر ڈھیر ہوگئی تھی ۔واپڈا نے سوئی ناردرن گیس کے خلاف دوسری اننگز میںسات وکٹوں پر155رنز بناکر مجموعی طور پر 313رنز کی برتری حاصل کر لی۔بلاول بھٹی نے چار کھلاڑیوں کو آئوٹ کیا ۔واپڈا نے پہلی اننگز میں 273اور سوئی ناردرن گیس نے 115رنز بنائے تھے۔