لاہور ( سپورٹس رپوٹر+نمائندہ سپورٹس ) پاکستان ہاکی فیڈریشن کی قومی سلیکشن کمیٹی نے بھارت میں کھیلے جانے والے جونیئر عالمی کپ کیلئے قومی ہاکی ٹیم کے کھلاڑیوں کے ناموں کو حتمی شکل دیدی، ٹیم کے 18 کھلاڑیوں کا اعلان آج متوقع ہے۔ پاکستان ہاکی فیڈریشن نے ٹرائلز 25 نومبر کو لینے تھے تاہم ٹیم مینجمنٹ اور سلیکشن کمیٹی کے ارکان کی مشاورت کے بعد کھلاڑیوں کے ٹرائلز کا عمل دو روز قبل ہی مکمل کر لیا گیا۔ جوہر ٹائون ہاکی سٹیڈیم میں کھلاڑیوں کے انتخاب کیلئے ایک روزہ ٹرائلز ہوئے چیف سلیکٹر رشید جونیئر رکن قاسم خان سمیت دیگر ممبران نے کھلاڑیوں کی کارکردگی کا جائزہ لیا۔