لاہور (نمائندہ سپورٹس+سپورٹس رپورٹر) قومی کرکٹ ٹیم کے سابق کپتان رمیز راجہ نے کہا ہے کہ مصباح الحق کی غیر موجودگی میں ٹیم کو اپنی ساکھ بچانے کیلئے کھیلنا پڑے گا، رنز بنانے کیلئے کھلاڑیوں کو گراسی پچ پر زیادہ سے زیادہ وقت کریز پر گزارنا پڑے گا۔ یہ ٹیم ٹیسٹ میں بہت اچھا کھیل رہی ہے اس لیے ان کو زیادہ مشورے دینے کی ضرورت نہیں تاہم مصباح الحق کے بغیران کھلاڑیوں کو اپنی ساکھ بچانے کیلئے کھیلنا پڑے گا۔ یاسر شاہ کو ڈراپ کرنا ٹھیک نہیں ہوگا۔ اوپنرز اچھا سٹارٹ دیتے ہیں تو باقی کھلاڑیوں سے پریشر کم ہوتا ہے ٹیم کو باقاعدہ طور پر مضبوط کرنے کیلئے بیٹنگ لائن اپ مضبوط کرنا ہوگی۔