نارنگ + مریدکے + فیروزوالا (نامہ نگاران) دھندکے باعث پجارواور ٹرک میںہولناک تصادم سے ایک ہی گاﺅںکے تین نوجوان جاں بحق اور چوتھا شدیدزخمی ہوگیا۔ بتایاجاتاہے کہ علی الصبح نارنگ منڈی کے گاﺅںجام گل سے محمدسعید، محمدشعیب، ارشاد، محمد افضل عرف مٹھو اور شعیب علی پجارو پر لاہورجارہے تھے تھانہ نارنگ منڈی کے علاقہ سدھانوالی کے قریب علی الصبح شدید دھندکے باعث پجاروسامنے سے آنے والے ٹرک سے ٹکرا گئی جس کے باعث پجارو کامالک محمدسعیداور اس کے گاﺅںکے دودوست محمدشعیب ارشاد اورمحمدافضل عرف مٹھو موقع پر جاںبحق ہوگئے جبکہ چوتھے نوجوان شعیب علی سکنہ مرادپورکی حالت تشویشناک ہے۔ محمدسعید اور محمد افضل مٹھو فیروزوالاکچہری میں کام کرتے تھے۔ ہلاک ہونے والے نوجوانوںکی نعشیں گاﺅں لائی گئیں تو پورے گاﺅںمیںکہرام مچ گیا واقعہ کے باعث پورے گاﺅں میںصف ماتم بچھ گئی پولیس نے مقدمہ درج کر لیا۔
نارنگ / حادثہ