سبی: دوسری شادی کے شوق میں 8 سالہ بیٹی سالے سے بیاہ دی، پولیس کا چھاپہ، دولہا فرار، والد گرفتار
سبی (نامہ نگار) دوسری شادی کے شوق میں 8 سالہ بیٹی کی شادی سالے سے کرادی۔ سبی کے دیہی علاقہ گائوں بکھڑا کے میر جٹ قبیلہ سے تعلق رکھنے والے اکبر نے اپنی دوسری شادی کے عوض اپنی آٹھ سالہ بیٹی گل بی بی کی شادی اپنے سالے سے کرادی لیکن عین نکاح کے وقت بچی کی چچی نے پولیس کو اطلاع دی جس پر پولیس حرکت میں آگئی اور چھاپہ مار کر بچی اور دولہے کے والد کو حراست میں لے لیا جبکہ دولہا فرار ہونے میں کامیاب ہوگیا۔
