کفر کی طاقتیں مسلمانوں پر حملہ آور ہیں متحد ہونا ہوگا، مقررین
لاہور( خصوصی نامہ نگار )عقیدہ ختم نبوت اسلام کی بنیاد ہے جسے کمزور کرنے کے لیے کفرکی طاقتیں پوری شیطانی اورگھنائونی سازشوں کے ساتھ حملہ آورہیں۔ پاکستان کومعاشی اور دفاعی محاذوں پر زیادہ خطرہ پاکستان کے قادیانیوں سے ہے۔ ان خیالات کااظہار ملکی اورغیرملکی علماء ومشائخ نے محافظانِ ختم نبوت پاکستان کے زیرِ اہتمام منعقدہ عالمی ختمِ نبوت کانفرنس سے خطاب کرتے ہوئے کیا۔ ایوان اقبال میں ہونے والی کانفرنس سے علامہ سیدعرفان شاہ مشہدی، جسٹس ریٹائرڈنذیراحمدغازی، پیرمنیراحمدیوسفی، علامہ محمدثاقب اقبال شامی، علامہ محمداعظم علی نعیمی، پیر علامہ ذوالفقارمصطفی ہاشمی قادری، پیرزادہ محمدرضاثاقب مصطفائی ، علامہ رضائے مصطفی ،ڈاکٹرمحمدراغب حسین نعیمی ، مفتی محمدصدیق ہزاروی اوردیگر علماء اورمشائخ نے خطاب کیا۔
