لاہور (نمائندہ سپورٹس) لاہور پولو کلب کے زیراہتمام لیفٹیننٹ جنرل شاہ رفیع عالم میموریل پولو کپ 2016ء آج سے شروع ہوگا۔ آٹھ گول کے اس ٹورنامنٹ میں ٹاپ پانچ ٹیمیں شامل ہیں۔ لاہور پولو کلب کے صدر عرفان علی حیدر کے مطابق ٹیمیں بہتر سے بہتر ہوتی جا رہی ہیں۔ تمام میچز میں اعلیٰ کوالٹی کی پولو دیکھنے کو ملتی ہے۔ یہ ٹورنامنٹ لیفٹیننٹ جنرل شاہ رفیع عالم کی یاد میں منعقد کیا جاتا ہے۔ ٹورنامنٹ میں شامل پانچ ٹیموں کو دو پولز میں تقسیم کیا گیا ہے۔