لاہور (نمائندہ سپورٹس+ سپورٹس رپورٹر) پاکستان کرکٹ ہیڈکوچ مکی آرتھر نے کہاہے کہ ہم براکھیلے ہار پر بہانہ نہیں بناوں گا،وکٹس کو لنچ تک روکنا چاہتے تھے بیٹسمین آہستہ کھیلتے رہے،ذمہ داری قبول کرتا ہوں۔ جب سے ٹیم میں آیا ہوںسلواوور ریٹ پر شور مچا رہا ہوں، بیٹنگ میںناکامی کی وجہ حالات میں ایڈجسٹ نہ کرنا ہے ،پاکستانی ٹیم کا نیوزی لینڈ میں2-0 کا نتیجہ مایوس کن تھا،نیوزی لینڈ میں شکست کے بعد آسٹریلیا کا دورہ اور بھی مشکل ہوگیا،آسٹریلیا سے شکست ہوئی تو مشکلات میں مزید اضافہ ہوجائے گا۔مکی آرتھر کا مزید کہنا تھا کہ سرفراز کا آوٹ ہونا ٹرننگ پوائنٹ تھا۔ہم ویکٹس کو لنچ تک روکنا چاہتے تھے پر بلے باز آہستہ کھیلتے رہے، ہماری پرفارمنس اچھی نہیں تھی میں بہانہ نہیں بناوںگا۔