اسلام آباد/ٹورنٹو (آئی این پی) پاکستان عوامی تحریک کے سربراہ ڈاکٹر طاہرالقادری آج وطن واپس پہنچیں گے۔ میڈیا رپورٹس کے مطابق طاہر القادری آج صبح 4 بجے کراچی پہنچیں گے۔ 5بجے خواجہ ہائوس پر میڈیاسے گفتگو کریں گے۔ شام7 بجے نشترپارک میں میلادکانفرنس سے خطاب کریں گے۔ طاہرالقادری چھ دسمبر کی شام کراچی سے لاہور کے لیے روانہ ہونگے۔کراچی روانگی سے قبل پیرسن ایئر پورٹ پر میڈیا سے گفتگو کرتے ہوئے انکا کہنا تھا کہ عمران خان کی تیسری شادی میں کوئی دلچسپی نہیں اور نہ ہی عمران خا ن سے کوئی رابطہ ہوا ہے۔عمران خان اور تحریک انصاف سے تعلقات کے حوالے سے پوچھے گئے سوال پر انہوں نے واضح کیا کہ عمران خان سے تعلقات میں کوئی فرق نہیں پڑا ، تعلقات پہلے جیسے ہیں کم یا زیادہ نہیں ہوئے۔