نارووال (نامہ نگار)دیرینہ دشمنی پر مخالفین نے گولیاں مار کر 45سالہ شخص کو قتل، ایک خاتون کو زخمی کر دیا۔ ورثا کا نعش ڈسٹرکٹ ہسپتال کے سامنے رکھ کر 3گھنٹے احتجاج، وفاقی وزیر احسن اقبال کی لواحقین کوجلد ملزمان کو پکڑنے کی یقین دہانی پر احتجاج ختم کیا گیا۔ تفصیلات کے مطابق قیصر عدنان اپنی پھوپھی رضیہ بی بی کے ہمراہ اپنے گاﺅں بھروالی جارہا تھا تین ملزمان نے ان پر فائرنگ کر دی جس سے وہ زخمی ہوگئے۔ عدنان قیصر ڈی ایچ کیو ہسپتال نارووال پہنچ کر دم توڑ گیا جبکہ اس کی پھوپھی رضیہ بی بی شدید زخمی ہے۔ ورثاءنے نعش کو ڈی ایچ کیو ہسپتال کے باہر رکھ کر تین گھنٹے تک احتجاج کیا۔ وفاقی وزیر پروفیسر احسن اقبال نے مظاہرین کے پاس پہنچ کر ان کو یقین دہانی کروائی کہ پولیس ملزمان کو جلد گرفتار کرلے گی تو مظاہرین منتشر ہوگئے۔ پولیس کا دعویٰ ہے کہ انہوں نے مقدمہ درج کرکے ایک ملزم کو گرفتار کر لیا ہے۔

نارووال قتل/ مظاہرہ