ڈاکٹر عاصم کرپشن کیس، سندھ ہائیکورٹ نے پراسیکیوٹر نیب کو نوٹس جاری کر دیا
کراچی(صباح نیوز)سندھ ہائی کورٹ نے ڈاکٹر عاصم حسین کی 17ارب روپے کی کرپشن ریفرنس میں فوری سماعت کی درخواست پر پراسیکیوٹر نیب کو نوٹس جاری کر دیا ۔ پیر کو سندھ ہائیکورٹ میں ڈاکٹر عاصم حسین کی 17ارب روپے کی کرپشن کیس کی سماعت ہوئی ۔ ڈاکٹر عاصم کے وکیل نے عدالت سے کہا کہ ڈاکٹر عاصم شدید علیل ہیں ضمانت منظور کی جائے ۔ عدالت نے ریمارکس دئیے کہ نیب کو سنے کے بغیر ضمانت منظور نہیں کی جاسکتی ۔ عدالت نے ڈاکٹر عاصم حسین کی فوری سماعت کی درخواست منظور کرتے ہوئے پراسیکیوٹر نیب کو نوٹس جاری کردیا اور سماعت 13دسمبر تک ملتوی کر دی ۔
نوٹس جاری
