گوجرانوالہ‘ وزیرآباد (نمائندہ خصوصی)حویلیاں کے قریب طیارہ حادثے میں سابق آئی جی موٹر وے ذوالفقار احمد چیمہ رکن قومی اسمبلی مسلم لیگ(ن) افتخار احمد چیمہ کے بھانجے‘ ڈی سی او چترال اسامہ احمد وڑائچ بھی جاں بحق ہوگئے۔ اسامہ احمد وڑائچ طویل عرصہ سے اسلام آباد میں رہائش پذیر تھے۔ وہ چھٹی پر اسلام آباد اپنے گھر آرہے تھے‘ حادثے میں ان کی اہلیہ آمنہ اور 9ماہ کی بیٹی ماہ رخ بھی جاں بحق ہوگئی۔اسامہ قبل ازیں اسسٹنٹ کمشنر ایبٹ آباد تھے۔ بعدازاں وہ ڈی سی تعینات ہوگئے۔ وزیرآباد سے نامہ نگار کے مطابق اسامہ احمد وڑائچ سابق کشنر گوجرانوالہ طارق نجیب نجمی کے داماد تھے۔ ان کے والد پروفیسر ڈاکٹر فیض‘ بھائی سعد فارن سروس میں اور بہن ڈاکٹر ہیں۔ این این آئی کے مطابق اسامہ احمد وڑائچ کے والد پروفیسر فیض احمد وڑائچ 35سال قبل وہاڑی سے اسلام آباد منتقل ہوئے‘ اسامہ احمد وڑائچ کے ایک بھائی کرنل امجد وڑائچ پاک فوج میں اپنی خدمات سرانجام دے رہے ہیں۔ ذرائع نے بتایا کہ پروفیسر فیض وڑائچ کی زرعی اراضی وہاڑی میں موجود ہے۔
اسامہ