لکھنو(سپورٹس ڈیسک )بھارت میں جاری جونیئر ہاکی ورلڈ کپ کے افتتاحی روز نیوزی لینڈ نے جاپان اور دفاعی چیمپئن جرمنی نے سپین کو شکست دیدی۔میگا ایونٹ میں کھیلے گئے پہلے میچ میں نیوزی لینڈ نے جاپان کو صفر کے مقابلے میں ایک گول سے شکست دی۔ نیوزی لینڈ کی جانب سے اولیور لاگان نے کھیل کے 55ویں منٹ واحد گول کیا اور ٹیم کو کامیابی دلائی ۔دوسرے میچ میں دفاعی چیمپئن جرمنی نے سپین کو ایک کے مقابلے میں دو گول سے ہراکر ٹورنا منٹ کا فاتحانہ انداز میں آغاز کیا۔جرمنی کی طرف سے اینٹن نے کھیل کے25ویں اور ٹیم ہر زبرا نے کھیل کے 63ویں منٹ میں گول کیا ۔آج مزید چھ میچوں کا فیصلہ ہوگا۔