اے پی ایس پشاور شہداء کی یاد میں نمائشی ہاکی میچ آج کھیلا جائیگا
لاہور(سپورٹس رپورٹر+نمائندہ سپورٹس) پاکستان جونیئر ٹیم اور پاک ہیرو کلب کی ہاکی ٹیموں کے درمیان اے پی ایس پشاور کے شہدا کی یاد میں نمائشی میچ آج کھیلا جائیگا۔ نمائشی میچ جوہر ٹاون ہاکی سٹیڈیم لاہور میں کھیلا جائیگا۔ اس میچ کے لیے محمد یعقوب کو آرگنائزنگ سیکرٹری مقرر کیا گیا ہے۔ ان کا کہنا تھا کہ نمائشی میچ کی تمام تیاریاں مکمل کر لی گئی ہیں۔ اس موقع پر اے پی ایس پشاور کے شہدا کے لیے فاتحہ بھی کرائی جائے گی۔
