لاہور (خصوصی نامہ نگار) انجمن اہلحدیث لاہور کے صدر مولانا فضل الرحمن بن محمد نے جامع محمدی اہلحدیث سنت نگر فردوس پارک میں اجتماع سے خطاب کرتے ہوئے کہا کہ نبی رحمتؐ سے محبت کا تقاضا ہے کہ آپ کی حیات طیبہ کے طریقے سے زندگی گزاریں کیونکہ آپؐ کے اسوہ حسنہ پر عمل ہی دنیا و آخرت میں کامیابی کی ضمانت ہے اور صرف وہی اعمال صالح دنیاو آخرت میں کامیابی کی ضمانت ہیں جو آپؐ نے خود فرمائے اور امت کو کرنے کی تلقین فرمائی۔