دھند سے پرواز منسوخ، وزیراعلی سندھ کئی وزرا کا سکھر سے کراچی تک ٹرین پر سفر، مسافر حیران، سیلفیاں بنائیں
سکھر (نوائے وقت رپورٹ + آئی این پی) وزیراعلیٰ سندھ سید مراد علی شاہ کا طیارہ دھند کے باعث روانہ نہ ہوسکا بذریعہ ٹرین سکھر سے کراچی جانا پڑا۔ گزشتہ روز انہوں نے کابینہ کے کئی ارکان کیساتھ گڑھی خدابخش کا دورہ کیا تاہم واپسی پر شدید دھند کے باعث ان کے خصوصی طیارے کی پرواز منسوخ کرنا پڑی۔ دھند کے باعث شالیمار ایکسپریس بھی دو گھنٹے تاخیر سے پہنچی۔ مسافر وزیراعلی کو اپنے درمیان دیکھ کر حیران رہ گئے اور انہوں نے مراد علی شاہ کیساتھ سیلفیاں بنائیں۔وزیراعلی کے ہمراہ سپیکر سندھ اسمبلی آغا سراج درانی، نثار کھوڑو اور ناصر شاہ بھی تھے۔ آغا سراج درانی نے میڈیا سے بات کرتے ہوئے کہا طویل عرصے کے بعد ٹرین میں سفر کیا۔ ٹرینوں کی حالت کافی بہتر ہوئی ہے۔
مراد علی شاہ
