لاہور(سپورٹس رپورٹر) پاکستان آرمی ہاکی ٹیم نے چوتھے اور آخری دوستانہ میچ میںسری لنکا آرمی ٹیم کو شکست دے کر سیریز کلین سویپ کر لی ۔ا مہمان خصوصی سری لنکا میں پاکستان کے ہائی کمشنر میجر جنرل (ر) سید شکیل حسین اور کمانڈر سری لنکا آرمی لیفٹیننٹ جنرل کرشنتھا ڈی سلوا نے انعامات تقسیم کئے۔ سید شکیل حسین نے کہا کہ صحت مند سر گرمیوںکے فروغ کیلئے کھیلوں کا انعقاد ناگزیر ہے۔ کھیلوں کے ذریعے نوجوانوں کو اپنی صلاحیتوں کو نکھارنے کا موقع ملتا ہے کھیلوں کے مقابلے حتساب ‘لگن اور قیادت سیکھنے میں بھی مدد گار ثابت ہوتے ہیں ۔ کرشنتھا ڈی سلوا نے پاکستان آرمی ٹیم کو جیت پر مبارکبا دد ی اور کہا کہ دونوں ممالک کے درمیان تعلقات کو مزید مضبوط بنانے کیلئے باہمی کھیلوں کی سر گرمیوں کا انعقاد ضروری ہے ۔ا