لاہور (سپورٹس رپورٹر) پاکستان کرکٹ ٹیم آسٹریلیا کیخلاف ٹیسٹ سیریز کے پہلے میچ کیلئے برسبین پہنچ گئی۔پاکستان کرکٹ ٹیم کے کھلاڑی اور آفیشلز اتوارکی صبح برسبین پہنچے۔ گہرے رنگ کی ٹی شرٹ اور سیاہ پینٹ میں کھلاڑی بہت جاذب نظر لگ رہے تھے۔ٹیم کے کچھ کھلاڑیوں نے دھوپ کے چشمے بھی لگائے ہوئے تھے۔ کچھ کھلاڑیوں نے موسیقی سننے کے لیے کانوں میں ائیرفونزبھی لگائے ہوئے تھے۔برسبین ائیرپورٹ پر کھلاڑی خوشگوار موڈ میں ایک دوسرے سے خوش گپیاں کرتے ہوئے دکھائی دئیے۔ پاکستان نے دورہ آسٹریلیا میں پہلے ٹور میچ میں کرکٹ آسٹریلیاء کو گذشتہ روز کینز میں شکست دی تھی۔