پیپلز پارٹی 27 دسمبرکو اپنی قبر کھودنے جا رہی ہے: عابد شیر
فیصل آباد (نمائندہ خصوصی) وزیر مملکت عابد شیر علی نے کہا ہے کہ پیپلز پارٹی 27 دسمبر کو اپنی قبر کھودنے جا رہی ہے۔ انہوں نے کہا کہ پیپلز پارٹی انکل اور آنٹی سے ملک کی لوٹی ہوئی دولت واپس لائے، بچہ تو بچہ ہے بچوں سے کیا بات کرنی، فیصل آباد میں بلدیاتی الیکشن کے تیسرے مرحلہ کے حوالے سے انہوں نے کہاکہ فیصل آباد شہر کو قبضہ مافیا نے گھیرے میں لیا ہوا ہے۔ جو لوگ بلدیاتی الیکشن میں پارٹی ٹکٹ لینے کے دعوے کرتے تھے انکو منہ کی کھانا پڑیگی۔ میئر فیصل آباد کا الیکشن ایک میچ ہے جس کا فیصلہ 22 دسمبر کو ہوگا۔ انہوں نے کہا کہ آصف علی زرداری سے ہمیں کوئی خطرہ نہیں ہے عمران کا شور و غوغا جھوٹا ہے، چودھری نثار کی بھرپور توجہ سے ملک میں 90 فیصد دہشت گردی ختم ہوئی۔
