لاہور (سپورٹس رپورٹر+ نمائندہ سپورٹس) تیسری ہائر ایجوکیشن کمیشن آل پاکستان ویمن ہاکی چیمپئن شپ پنجاب یونیورسٹی نے جیت لی۔ فائنل میچ جوہر ٹائون کے ہاکی سٹیڈیم میں پنجاب یونیورسٹی اور لاہور کالج فار ویمن یونیورسٹی کی ٹیموں میں مابین کھیلا گیا۔ پنجاب یونیورسٹی کی جانب سے اقصیٰ اعجاز نے میچ کا واحد گول پینلٹی کارنر پر کیا۔ پنجاب یونیورسٹی نے صفر کے مقابلے میں ایک گول سے میچ جیت کر اپنے اعزاز کا میاب دفاع کیا۔ اس موقع پر پاکستان ہاکی فیڈریشن کے سیکرٹری شہباز سینئر‘ ڈائریکٹر سپورٹس پنجاب یونیورسٹی مسز شمسہ ہاشمی، کامران اشرف اور آفیشلز بھی موجود تھے۔ بعدازاں کامیاب کھلاڑیوں میں انعامات تقسیم کئے گئے۔