اسلام آباد(آئی این پی )وزیر مملکت برائے اطلاعات ونشریات مریم اورنگزیب نے کہا ہے کہ مسلم لیگ (ن) کی فتح پاکستانی قوم کی آواز ہے ، الیکشن کے نتائج2013 کے الیکشن کی تائید ہیں۔ اپنے بیان میں مریم اورنگزیب نے کہا کہ مسلم لیگ (ن) کی فتح پاکستانی قوم کی آواز ہے،پاکستان کے عوام محمد نوازشریف سے محبت کرتے ہیں اورعوام وزیراعظم نوازشریف کے پالیسی وژن اور کارکردگی پر یقین رکھتے ہیں۔ عمران خان کوساڑھے تین سال دھرنے کا صلہ آج مل گیا۔ بلدیاتی انتخابات کے آخری مرحلے میں ایک مرتبہ پھرعوام نے مسلم لیگ (ن) پر اعتماد کیا۔عوام نے ووٹ کی طاقت سے فساد کی سیاست کرنے والوں کو مسترد کردیا۔ بلدیاتی انتخابات کے نتائج مخالفین کے لئے2018کے انتخابات کا ٹریلر ہیں۔عمران خان صاحب! مسلم لیگ (ن) کی جیت قوم کی آواز ہے ۔