اسلام آباد (سٹاف رپورٹر) آرمی چیف جنرل قمر جاوید باجوہ نے گزشتہ روز فوج کے شعبہ تعلقات عامہ آئی ایس پی آر کا دورہ کیا۔ اس موقع پر انہیں ڈی جی آئی ایس پی آر لیفٹیننٹ جنرل عاصم سلیم باجوہ نے ادارے کی تنظیم، مقاصد او رکام کرنے کے طریقہ کا ر کے بارے میں بریفنگ دی۔ آرمی چیف نے کہا کہ ایک ادارہ کے طور پر آئی ایس پی آر کی کارکردگی قابل تعریف ہے۔ بری فوج کے چیف آف جنرل سٹاف لیفٹیننٹ جنرل بلال اکبر اور آئی ایس پی آر کے نامزد ڈی جی میجر جنرل آصف غفور بھی انکے ساتھ موجود تھے۔