بہاولپور(بیورورپورٹ) بہاولپور بڑی تباہی سے بچ گیا سی ٹی ڈی نے چرچ پرحملہ کی منصوبہ بندی کرنیوالے تین دہشت گردوں کو گرفتار کر لیا۔ تفصیل کے مطابق سی ٹی ڈی بہاولپورکی اطلاع ملی تھی کہ تین دہشت گرد کرسمس کے موقع پرچرچ پرحملہ کی منصوبہ بندی کررہے ہیں جن کاتعلق دہشت گردتنظیم سے ہے اس اطلاع پرسی ٹی ڈی ٹیم نے گلزار صادق کے عقب میں چرچ کے قریب چھاپہ مارا چھاپہ مارپارٹی کودیکھ کر ایک دہشت گرد نے پارٹی پرہینڈگرینڈ پھینکالیکن خوش قسمتی سے وہ پھٹ نہ سکا چھاپہ مارٹیم نے تینوں دہشت گردوں کوگرفتار کرلیاجن کے نام امداد اللہ، ساجد جاوید اورمحمدخلیق بتائے گئے ہیں دہشت گردوں سے دومزید ہینڈ گرینڈ برآمد ہوئے ابتدائی تحقیقات میں دہشت گردوں نے اقرار کہاکہ وہ یہاں ماڈل ٹائون اے چرچ پرحملہ کرناچاہتے تھے۔ دہشت گردوں کومزید پوچھ گچھ کیلئے نامعلوم مقام پرمنتقل کر دیا گیا ہے۔