لاہور (کامرس رپورٹر) صوبائی دارالحکومت میں گزشتہ 7 روز کے دوران پرچون سطح پر سبزیوں اور پھلوں کی قیمتوں میں 19 روپے کلو تک اضافہ ہوا جبکہ برائلر کا گوشت اور ایک درجن فارمی انڈوں کی قیمتوں میں 7 روپے تک کمی ہوئی۔ سرکاری اعداد و شمار کے مطابق لہسن دیسی 19 روپے اضافے سے 306، پھول گوبھی 5 روپے اضافے سے 12 روپے، اروی 4 روپے اضافے سے 42، بھنڈی 16 روپے اضافے سے 69، مٹر 2 روپے اضافے سے 42 روپے، سیب وانا 2 روپے اضافے سے 74، کھجور اصیل 4 روپے اضافے سے 116 روپے کلو مسمی، 3 روپے اضافے سے 99 روپے، کینو 13 روپے اضافے سے 66 روپے درجن، انار بدانہ 6 روپے اضافے سے 287 اور ایک کلو انار قندھاری کی قیمت 4 روپے اضافے سے 166 روپے ہو گئی جبکہ ایک کلو برائلر مرغی کے گوشت کی قیمت 7 روپے کمی سے 148 روپے اور ایک درجن فارمی انڈوں کی قیمت 7 روپے کمی سے 120 روپے ہو گئی۔