ٹوکیو میں فنی خرابی کے باعث منسوخ پرواز پی کے 853 بحال کردی گئی: ترجمان پی آئی اے
کراچی (آئی این پی) پی آئی اے کے ترجمان نے کہاہے کہ ٹوکیو میں فنی خرابی کی وجہ سے منسوخ کی جانے والی پرواز پی کے 853 بحال کردی گئی‘ جہاز میں موجود فنی خرابی دور کر لی گئی ہے۔ ہفتہ کو ترجمان کے مطابق پرواز پاکستانی وقت کے مطابق صبح5 بجے ٹوکیو سے روانہ ہو گی۔ پرواز براستہ بیجنگ اور اسلام آباد کراچی آئیگی۔ مسافروں کو پرواز میں غیر معمولی تاخیر کے باعث ہوٹل میں گزشتہ روز ہی رہائش مہیا کر دی گئی تھی جو مسافر ریفنڈ چاہیں انہیں بغیر کسی کٹوتی کے رقم واپس کی جا رہی ہے۔
