کراچی (آن لائن) گلشن معمار میں رینجرز اور دہشت گردوں کے درمیان فائرنگ کے تبادلہ میں 2 دہشت گرد ہلاک ہوگئے۔ ترجمان رینجرز کے مطابق ہلاک دہشت گردوں کا تعلق کالعدم تنظیم سے تھا۔ اطلاعات کے مطابق رینجرز نے دہشت گردوں کی اطلاع پر گلشن معمار میں کارروائی کی تو دہشت گردوں نے رینجرز پر فائرنگ کر دی، جوابی فائرنگ میں 2 ہشتگرد مارے گئے۔ ترجمان کا کہنا ہے کہ ہلاک دہشتگردوں کے ساتھیوں کی تلاش میں کارروائی جاری ہے۔ علاوہ ازیں کراچی میں پولیس نے سائٹ کے علاقے میں سرچ آپریشن کے دوران 3 دہشت گردوں سمیت 18 مشتبہ افراد کو گرفتار کر لیا۔ گرفتار تینوں دہشت گردوں کا تعلق کالعدم تنظیم سے ہے۔ ملزموں سے ایک دستی بم اور سرچ آپریشن کے دوران 15 مشتبہ افراد کو بھی حراست میں لیا گیا۔